చివరకు మిగిలేదేమిటి ?
దీనికి సమాధానం తెలిస్తే జీవిత రహస్యం తెలుసుకున్నట్లే .
అసలు జీవితానికిఅర్థమేమై వుంటుంది ?
మానవుడు ఈ ప్రశ్నని వేసే అవసరం రావడమే జీవితానికేదో అర్థం ఉందనుకోవడానికి తార్కాణం .
అర్థం లేదని ఇతరులు రుజువు చేస్తే మనం అంగీకరించలేము .
ఆ నిరూపణ మన తార్కిక జ్ఞానాన్ని వెక్కిరించి ధ్వంసం చేస్తుంది. అది మానవుడు సహించలేడు.
జీవితానికర్థం లేదన్న నిర్వచనానికి అసలే అర్థం లేదు .
కానీ దాన్ని మనంతట మనమే రుజువు చేసుకుంటే , సృష్టి అంత భయంకరంగా వుండకపోవచ్చు .
సృష్టికి ఇతరులు కలిగించిన అర్థాలని మనం అంగీకరించలేము .
మనం కనుక్కొని , ఎముకలలో జీర్ణించుకున్న అర్థాలని ఇతరులకు చెప్పలేము.
ఇతరులతో సంపర్కం వదులుకొని ఏకాంతముగా మనం తెలుసుకొన్న జీవిత రహస్యాన్ని యదార్థం అని నమ్మి సమాధాన పరుచుకోవడం , సంఘం తో నిమిత్తం ఉన్న మనిషికి చేతకాదు కాబోలు .
చరిత్ర కట్టుకొన్న ప్రాచీన పునాదులు , సంఘం పాతుకున్న మట్టి విత్తనాలు , వాటిని మినహాయిస్తే మానవుడిలో చివరకు మిగిలేదేమిటి ?
NRB
No comments:
Post a Comment